Kisitsisinik saqqummiunneqareernikunik naqqiineq

Ulloq 1. januar 2018 Inuussutissarsiutinik Ingerlataqartunik Nalunaarsuiffik (IIN) atorunnaarpoq, ullormilu tassani Danmarkimi Det Centrale Virksomhedsregister (CVR) atorneqalerluni. Taamaalillutik suliffeqarfinnut paasissutissat CVR-imit aaneqartalerput. IIN-imiittut paasissutissat CVR-imut nuutinnginneranni paasissutissat sukumiisumik misissoqqissaarneqarput. Misissueqqissaarnerup ersersissimavaa IIN-ip aaqqissussaanera peqqutaalluni, suliffeqarfiit matoreernikut inuussutissarsiutit aaqqissuussaanerannut kisitsisinik saqqummiunneqartartuni, ilaatigut ilanngunneqartarsimasut. Tamassuma kingunerisimavaa suliffeqarfiit amerlassusaat aammalu akissarsialiussat saqqummiunneqartartut qaffasippallaartarsimanerat.

 

IIN-imit CVR-imut paasissutissanik nuussinermut atatillugu, inuussutissarsiutit aaqqissussaanerata suliareqqinnerani, kisitsisit 2009-miit 2017-imut saqqummiunneqareernikut, naqqinneqarsinnaasimapput, allannguutillu takussutissiaq 3-mi ataaniittumi takuneqarsinnaapput.

 

Takussutissiaq 3. Suliffeqarfiit amerlassusaannik aammalu akissarsialiussat annertussusaannik naqqiinerit, 2009-2017

	2009	2010	2011	2012	2013	2014	2015	2016	2017
	Kisitsisit naqqitat
Suliffeqarfiit amerlassusaat	3.379	3.644	3.726	3.888	3.906	3.807	3.790	3.960	3.994
Akissarsialiussat mio. kr.-ninngorlugit	5.270,25	5.549,25	6.027,90	6.133,65	6.084,45	5.529,68	5.965,21	6.467,70	6.545,64
	Kisitsisit naqqinneqanngitsut
Suliffeqarfiit amerlassusaat	3.826	3.823	3.909	4.065	4.125	4.017	4.055	4.212	4.268
Akissarsialiussat mio. kr.-ninngorlugit	5.303,73	5.623,07	6.089,91	6.234,90	6.150,60	5.604,42	6.046,86	6.510,38	6.597,09
	Allannguutit
Suliffeqarfiit amerlassusaat	-447	-179	-183	-177	-219	-210	-265	-252	-274
Akissarsialiussat mio. kr.-ninngorlugit	-33,48	-73,82	-62,01	-101,25	-66,15	-74,74	-81,65	-42,68	-51,45